Fyrsta verkefni bílsins verður á Íslandsmóti iðn- og verkgreina, Mín framtíð 2025, sem fer fram í Laugardalshöll dagana 13.–15. mars næstkomandi. Þar mun hann vera til sýnis.

Að mótinu loknu mun bíllinn nýtast áfram í fjölbreyttum kennslutengdum verkefnum, svo sem á rafbílanámskeiðum, almennum rafmagnsnámskeiðum og jafnvel í sveinsprófum.

Vilborg Harðardóttir, framkvæmdastjóri Iðunnar, og Sigurður Svavar Indriðason, leiðtogi bílgreina, tóku við bílnum frá Ingþóri Ásgeirssyni, framkvæmdastjóra þjónustusviðs BL. Með þessu framtaki eflir BL stuðning sinn við fræðslu og menntun í bílgreinum og stuðlar að því að nemendur og fagaðilar hafi aðgang að nýjustu tækni í greininni.